عَنْ أَبِي مَالِكٍ الْحَارِثِ بْنِ عَاصِمٍ الْأَشْعَرِيِّ  قَالَ: قَالَ رَسُولُ اللهِ ﷺ «الطُّهُورُ شَطْرُ الْإِيمَانِ، وَالْحَمْدُ لِلهِ تَمْلَأُ الْمِيزَانَ، وَسُبْحَانَ اللهِ وَالْحَمْدُ لِلهِ تَمْلَآنِ - أَوْ: تَمْلَأُ- مَا بَيْنَ السَّمَاءِ وَالْأَرْضِ، وَالصَّلَاةُ نُورٌ، وَالصَّدَقَةُ بُرْهَانٌ، وَالصَّبْرُ ضِيَاءٌ، وَالْقُرْآنُ حُجَّةٌ لَك أَوْ عَلَيْك، كُلُّ النَّاسِ يَغْدُو، فَبَائِعٌ نَفْسَهُ فَمُعْتِقُهَا أَوْ مُوبِقُهَا».

رَوَاهُ مُسْلِمٌ.

އަބޫ މާލިކް އަލްޙާރިޘް ބިން ޢާޞިމް އަލްއަޝްޢަރީ  ވިދާޅުވިއެވެ. رَسُولُ اللهِ ﷺ ޙަދީޘް­ކުރެއްވިއެވެ. ”ސާފްތާހިރުކަމަކީ¹ އީމާންކަމުގެ ދެބައިކުޅަ އެއްބައެވެ. އަދި «الحمدُ لِلهِ» (މާނައީ: އެންމެހައި ޙަމްދެއް ހުރީ ﷲ އަށެވެ.)² މި ކަލިމަ ޢަމަލުތަކުގެ މީޒާން (ތިލަފަތް) ފުރާލައެވެ. އަދި «سُبْحَانَ اللهِ وَالْحَمْدُ لِلهِ» (މާނައީ: ﷲގެ ހުސްޠާހިރުވަންތަކަމާއެވެ! ³ ހުރިހައި ޙަމްދެއް ވަނީ އެކަލާނގެއަށެވެ.) މި ދެ ކަލިމަ — ނުވަތަ މި ކަލިމަ⁴ — އުޑާއި ބިމާ ދެމެދު ވާހައި ތަނެއް ފުރާލައެވެ. އަދި ނަމާދަކީ ނޫރެކެވެ. އަދި ޞަދަޤާތަކީ (މީހެއްގެ އީމާންކަމުގެ ތެދުވެރި­ކަމަށް އޮތް) ބުރުހާނެކެވެ. އަދި ކެތްތެރިކަމަކީ އަލިކަމެކެވެ. އަދި ޤުރުއާނަކީ ތިބާއަށްޓަކައި ނުވަތަ ތިބާއާ ދެކޮޅަށް ވާ ޙުއްޖަތެކެވެ. ކޮންމެ މީހަކު ވެސް އޭނާގެ ނަފްސު ވިއްކާލަން ހެނދުނާ ނުކުމެއެވެ. އެގޮތުން އޭނާގެ ނަފްސު މިނިވަންކުރެއެވެ. ނޫނީ ވަރުބަލިކުރުވައި ހަލާކުކުރެއެވެ.“

ރިވާކުރެއްވީ މުސްލިމެވެ.