عَنْ ابْنِ عَبَّاسٍ  أَنَّ رَسُولَ اللهِ ﷺ قَالَ: «لَوْ يُعْطَى النَّاسُ بِدَعْوَاهُمْ لَادَّعَى رِجَالٌ أَمْوَالَ قَوْمٍ وَدِمَاءَهُمْ، لَكِنَّ الْبَيِّنَةَ عَلَى الْمُدَّعِي، وَالْيَمِينَ عَلَى مَنْ أَنْكَرَ».

حَدِيثٌ حَسَنٌ، رَوَاهُ الْبَيْهَقِيُّ، وَغَيْرُهُ هَكَذَا، وَبَعْضُهُ فِي «الصَّحِيحَيْنِ».

އިބްނު ޢައްބާސް  ގެ އަރިހުން ރިވާވެގެން ވެއެވެ. رَسُولَ اللهِ ﷺ ޙަދީޘް­ކުރެއްވި­އެވެ. ”މީސްތަކުން ކުރާހައި ދަޢުވާއަކުން އެބައިމީހުން ދަޢުވާކުރާ ކަމެއް (ޝަރީޢަތުގައި) ދެވޭނަމަ ބަޔަކުމީހުން އަނެއްބަޔެއްގެ މުދަލާއި ލެޔަށް ދަޢުވާކުރީހެވެ. އެހެނެއްކަމަކު، ފާޅުވެގެންވާ ހެކި ދެއްކުން ވަނީ ދަޢުވާ ކުރާ ފަރާތަށެވެ. އަދި ހުވާކުރުން ވަނީ ދަޢުވާއަށް އިންކާރުކުރާ ފަރާތަށެވެ.“¹

މިއީ ޙަސަނު ޙަދީޘެކެވެ. އަލްބައިހަޤީ އާއި އެހެން ބައެއް ބޭކަލުން މިގޮތަށް މި ޙަދީޘް ރިވާކުރެއްވިއެވެ. އަދި މި ޙަދީޘުގެ ބައެއް، ދެ ޞަޙީޙުގައި ރިވާކުރައްވާފައި ވެއެވެ.