عَنْ أَبِي هُرَيْرَة  قَالَ: قَالَ رَسُول اللهِ ﷺ إنَّ اللهَ تَعَالَى قَالَ: «مَنْ عَادَى لِي وَلِيًّا فَقَدْ آذَنْتُهُ بِالْحَرْبِ، وَمَا تَقَرَّبَ إلَيَّ عَبْدِي بِشَيْءٍ أَحَبَّ إلَيَّ مِمَّا افْتَرَضْتُهُ عَلَيْهِ، وَلَا يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْت سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا، وَلَئِنْ سَأَلَنِي لَأُعْطِيَنَّهُ، وَلَئِنْ اسْتَعَاذَنِي لَأُعِيذَنَّهُ».

رَوَاهُ الْبُخَارِيُّ.

އަބޫހުރައިރާ  ގެ އަރިހުން ރިވާވެގެން ވެއެވެ. އެކަލޭގެފާނު ވިދާޅުވިއެވެ. ﷲ ގެ ރަސޫލާ ﷺ ޙަދީޘްކުރެއްވިއެވެ. ހަމަކަށަވަރުން الله تَعَالى ވަޙީކުރެއްވިއެވެ. ”ތިމަންއިލާހުގެ ވަލީވެރިއަކާ¹ ޢަދާވާތް­ތެރި­ވެއްޖެ މީހަކާ ތިމަން ﷲ ހަނގުރާމަ އިޢުލާނު­ކުރައްވަމެވެ. އަދި ތިމަން ﷲ ގެ އަޅާގެ މައްޗަށް ތިމަން ﷲ ފަރުޟުކުރެއްވި ކަންތަކަށްވުރެ ލޮބުވެތިކަން ބޮޑު ކަމަކުން ތިމަން ﷲ ގެ އަޅާ ތިމަން ﷲ އާ ކުއްތަންވާކަމުގައި ނުވެއެވެ. ދެންފަހެ، ތިމަން ﷲ އެއަޅާ ދެކެ ލޯބިވެވޮޑިގެންފުމަށް­ ދާންދެން، ސުންނަތް އަޅުކަންތަކުން ތިމަން ﷲއާ ކުއްތަންވުމުގައި އޭނާ ދެމިހުރެއެވެ. ފަހެ، ތިމަން ﷲ އޭނާ ދެކެ ލޯބިވެވޮޑިގެންފި ހިނދުގައި، އޭނާ އަހާ އެހުމަކީ، އޭނާ ބަލާ ބެލުމަކީ، އަދި އޭނާ ޖަހައިއުޅޭ އަތަކީ، އަދި އޭނާ ހިނގައި އުޅޭ ފަޔަކީ ތިމަން ﷲ ކަމުގައި ވޮޑިގެންވާހުށީމެވެ. (އެބަހީ އެހުރިހައި ގުނަވަނެއް ސީދާކޮށްދެއްވާހުށީމެވެ. އަދި އެ ގުނަވަންތަކުން ﷲ ރުހިވޮޑިގަންނަވާ ކަމެއް މެނުވީ ނުކުރާނެއެވެ.) އަދި ހަމަކަށަވަރުން އޭނާ ތިމަން ﷲ ގެ ޙަޟުރަތުން ކަމަކު ދަންނަވައިފިނަމަ ހަމަކަށަވަރުން ތިމަން ﷲ އޭނާއަށް އެކަމެއް ދެއްވާހުށީމެވެ. އަދި ތިމަން ﷲ ގެ ޙަޟުރަތުން ރައްކާތެރިކަމަށް އެދެފިނަމަ އޭނާ ރައްކާތެރިކޮށްދެއްވާހުށީމެވެ.“

ރިވާކުރެއްވީ ބުޚާރީ.